გორის მუნიციპალიტეტის სოფელ ქვემო სობისის საჯარო სკოლის ოთხი მოსწავლე, რომლებმაც 2022-2023 სასწავლო წელს საბაზო საფეხური წარჩინებით დაამთავრეს, პროგრამის - „ჩემი პირველი კომპიუტერი“ ფარგლებში დაჯილდოვდნენ.
სწავლაში მიღწეული წარმატებისთვის მოსწავლეებს საქართველოს განათლებისა და მეცნიერების სამინისტროს წამახალისებელი საჩუქარი - პორტაბელური კომპიუტერი საზეიმოდ გადაეცათ.
სკოლაში მოსწავლეებს კუთვნილი ჯილდოს მიღებას ულოცავენ და შემდგომ წარმატებას უსურვებენ.
„გილოცავთ და კიდევ უამრავ წარმატებას გისურვებთ ცხოვრებაში!“,- ვკითხულობთ სკოლის გავრცელებულ მისალოც წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ვიდეომასალა:
