ხაშურის მუნიციპალიტეტის სოფელ ნაბახტევის საჯარო სკოლის მოსწავლე-მასწავლებლებმა სასწავლო წელი დიდი შემართებით დაიწყეს.
სწავლასმოწყურებული მოსწავლეები სასწავლო პროცესში ხალისით ჩაერთნენ.
სწავლა-სწავლების განახლებასთან დაკავშირებით, ნაბახტევის საჯარო სკოლის მასწავლებელმა, მაია რიჟამაძემ სადამრიგებლო, მე-7 კლასის მოსწავლეებს მეტად საინტერესო და სახალისო გაკვეთილი შესთავაზა.
მოსწავლეთა სწავლისკენ მოსამართად მასწავლებელმა მეტად საინტერესო მეთოდს მიმართა, რომლის შესახებაც თავად გვიყვება:
„ფლიფჩარტზე დავხატე „მოლოდინის ხე”, მოსწავლეებს დავურიგე ფერადი ფურცლები და ვთხოვე დაეწერათ მოლოდინები, რასაც მე-7კლასში ელიან, რაც სჭირდებათ და განახორციელებენ. მოსწავლეებმა ფურცლები მიაკრეს ტოტებზე, შემდეგ გავაცანი ერთმანეთის ნააზრევი. სასწავლო წლის ბოლოსთვის შევინახავ და შემდეგ გავაკეთებ შეფასებას, თუ როგორ განახორციელეს საკუთარი ჩანაფიქრი“,- ამბობს პედაგოგი.
აღსანიშნავია, რომ ნაბახტევის საჯარო სკოლის პედაგოგები მოსწავლეთა მოტივაციასა და მათთვის სასწავლო პროცესის გამრავალფეროვნებაზე ყოველთვის განსაკუთრებულად ზრუნავენ.
იხილეთ ფოტოები:
