თაზაქენდის საჯარო სკოლის ორმა მასწავლებელმა სასწავლო წელი პროფესიული წინსვლით დაიწყო
22-09-2023
გარდაბნის მუნიციპალიტეტის სოფელ თაზაქენდის საჯარო სკოლის ორმა მასწავლებელმა ახალი სასწავლო წელი ახალი სტატუსით დაიწყო.
სკოლის პედაგოგებს - ირადა გუსეინოვას და თამარ გერლიანს უფროსი მასწავლებლის სტატუსი მიენიჭათ.
სკოლაში პედაგოგებს წინსვლას ულოცავენ და შემდგომ პროფესიულ წარმატებას უსურვებენ.
„ჩვენი სკოლის მასწავლებლებს - ირადა გუსეინოვასა და თამარ გერლიანს ვულოცავთ უფროსი მასწავლებლის სტატუსის მიღებას“,- აღნიშნავენ სკოლაში.
შეგახსენებთ, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
სკოლების სიახლეები
