ქედის მუნიციპალიტეტის სოფელ წონიარისის საჯარო სკოლაში ახალი, 2023-2024 სასწავლო წელი საზეიმო ვითარებაში დაიწყო.
ეს დღე, როგორც სკოლაში გვიყვებიან, განსაკუთრებით ემოციური და სიხარულით სავსე პირველკლასელებისთვის იყო, რომელთათვისაც პედაგოგებმა საკლასო ოთახები საზეიმოდ მორთეს.
სკოლას ასევე სტუმრები ეწვივნენ, რომლებმაც მოსწავლე-პედაგოგებს წარმატებული წელი უსურვეს.
„სასწავლო წლის დასაწყისი მოგვილოცეს საპატიო სტუმრებმა: ამირან წულუკიძემ და რესან ბერიძემ“, - გვიყვებიან სკოლაში.
აღსანიშნავია, რომ გასული სასწავლო წლის წარჩინებით დასრულებისთვის მოსწავლეები სერტიფიკატებით დაჯილდოვდნენ. სკოლის კურსდამთავრებულმა - ზურაბ ბარამიძემ კი სასწავლო წლის დაწყებასთან დაკავშირებით 1-ელი და მე-2 კლასის მოსწავლეები მაისურებით დააჯილდოვა.
სკოლა მას მადლობას უხდის ამ საჩუქრებისთვის.
იხილეთ ფოტოები:
