ახალციხის მუნიციპალიტეტის სოფელ სვირის საჯარო სკოლაში ახალი, 2023-2024 სასწავლო წელი საზეიმო ვითარებაში დაიწყო.
სკოლის კარი მოსწავლეებმა დიდი ჟრიამულითა და ხალისით შეაღეს. მათ დასახვედრად პედაგოგები განსაკუთრებული მონდომებით ემზადებოდნენ - საკლასო ოთახებში შესაბამისი დეკორაცია განათავსეს და იზრუნეს, რომ სასწავლო წლის პირველი დღე მათთვის დაუვიწყარ მოგონებად ექციათ.
როგორც სკოლაში ამბობენ, მუნიციპალიტეტის წარმომადგენლებმა პირველკლასელებს საჩუქრები გადასცეს. მათ კუთვნილი კომპიუტერები და წიგნებიც მიიღეს.
აღსანიშნავია, რომ სკოლაში მთელი დღის განმავლობაში საზეიმო განწყობა იგრძნობოდა.
იხილეთ ფოტოები:
