ახმეტის N1 საჯარო სკოლაში ახალი სასწავლო წელი მოსწავლე-მასწავლებლებმა ამაღლებული განწყობით დაიწყეს.
ბავშვებისთვის სკოლის ეზო და საკლასო ოთახები ლამაზად, სადღესასწაულოდ მოირთო. მათ პედაგოგები დიდი სიყვარულით, სიხარულით შეეგებნენ და წარმატებული სასწავლო წელი უსურვეს.
დირექტორი - ქეთევან მჭედლური მათ სკოლაში უსაფრთხო და პოზიტიური გარემოს ჰპირდება.
„ძვირფასო ბავშვებო, მშობლებო, ახმეტის N1 საჯარო სკოლა გილოცავთ 2023-2024 სასწავლო წლის დაწყებას. იწყება ახალი ცოდნის, ახალი გამოცდილებისა და შესაძლებლობების შეძენის პროცესი. სკოლის პედკოლექტივი მზად არის უზრუნველყოს პოზიტიური, უსაფრთხო და მასტიმულირებელი გარემო სწავლისთვის, სადაც ყველა ფასდება. მზად ვართ გემსახუროთ და ყველა პირობა შევქმნათ წარმატებისთვის“, - აღნიშნავს დირექტორი ქეთევან მჭედლური.
იხილეთ ფოტოები:
