ქობულეთის მუნიციპალიტეტის სოფელ დაგვას საჯარო სკოლის 16 კურსდამთავრებული სტუდენტი გახდა. ახალგაზრდებმა ეროვნული გამოცდები წარმატებით ჩააბარეს და სხვადასხვა უმაღლეს სასწავლებელში, მათთვის სასურველ საბაკალავრო პროგრამაზე ჩაირიცხნენ. მათ შორის, თამარ ჯინჭარაძემ 50%-იანი სახელმწიფო დაფინანსება მოიპოვა. 

სკოლის დირექცია და პედაგოგები კურსდამთავრებულებს სტუდენტობას ულოცავენ და ნათელ, წარმატებულ და ბედნიერ მომავალს უსურვებენ. 

„დაგვას საჯარო სკოლა, ულოცავს ამავე სკოლის 16 კურსდამთავრებულს უმაღლეს სასწავლებელში ჩარიცხვას და უსურვებს წარმატებულ და საინტერესო სტუდენტურ წლებს. ასევე, თამარ ჯინჭარაძეს ვულოცავთ 50%-იანი გრანტის მოპოვებას. ჩვენ თქვენით ვამაყობთ!“,- ვკითხულობთ სკოლის გავრცელებულ მისალოც წერილში. 

აღსანიშნავია, რომ წელს ერთიან ეროვნულ გამოცდებზე აბიტურიენტთა რეკორდული რაოდენობა - 45 ათასზე მეტი აპლიკანტი დარეგისტრირდა, სტუდენტის სტატუსი კი 34 ათასზე მეტმა აბიტურიენტმა მოიპოვა.