საგარეჯოს N1 საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს და სხვადასხვა უნივერსიტეტებში მათთვის სასურველ საბაკალავრო პროგრამებზე ჩაირიცხნენ. სკოლის 21-მა აბიტურიენტმა სახელმწიფო დაფინანსება მოიპოვა.
სკოლის ხუთი კურსდამთავრებული უმაღლეს სასწავლებელში 100%-იანი გრანტით გააგრძელებს სწავლას, ხუთი 70%-იანით, თერთმეტი კი - 50%-იანით.
სკოლაში კურსდამთავრებულთა წარმატება ახარებთ, მიღწეულ შედეგს ულოცავენ და ბედნიერ და ნაყოფიერ სტუდენტობას უსურვებენ.
„სკოლისთვის საამაყოა თითოეული მოსწავლის მიღწევა და წარმატება: ხუთი 100%-იანი; ხუთი - 70%-იანი; თერთმეტი -50%-იანი გრანტოსანი კურსდამთავრებული გვყავს და კიდევ ბევრი წარმატებული სტუდენტი. გილოცავთ, ბავშვებო, ცხოვრების საინტერესო ეტაპზე გადასვლას!“, - ვკითხულობთ სკოლის გავრცელებულ მისალოც წერილში.
