სამტრედიის მუნიციპალიტეტის სოფელ ნაბაკევის საჯარო სკოლას ორი მენტორი მასწავლებელი შეემატა.
მათემატიკის მასწავლებელმა - ნანა ჩომახიძემ და ინგლისური ენის პედაგოგმა, აკაკი წულაიამ მასწავლებლის უმაღლესი სტატუსი მოიპოვეს. პროფესიული განვითარების ეროვნული ცენტრის სპეციალურმა კომისიამ მათი პედაგოგიური საქმიანობის ნაწილი დადებითად შეაფასა
სკოლის დირექცია და მასწავლებლები - ნანა ჩომახიძესა და აკაკი წულაიას პროფესიულ წინსვლას ულოცავენ.
„მათმა დაუღალავმა შრომამ და მაღალმა პროფესიონალიზმმა შედეგი გამოიღო. ისინი ახალ სასწავლო წელს უკვე მენტორის სტატუსით ჩვეული შემართებით შეუდგებიან მუშაობას“,- აღნიშნავენ სკოლაში.
შეგახსენებთ, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
