მარნეულის მუნიციპალიტეტის სოფელ ახალი დიოკნისის საჯარო სკოლის პედაგოგებმა - მზევინარ საგინაძემ და თეონა მახარაძემ მასწავლებლის საგნის გამოცდა წარმატებით ჩააბარეს.
მზევინარ საგინაძე კომპეტენცია ფიზიკური აღზრდისა და სპორტის გამოცდაზე დაადასტურა, თეონა მახარაძემ - დაწყებითი კლასების მასწავლებელთა გამოცდაზე (ქართული ენა და ლიტერატურა, ბუნებისმეტყველება, მათემატიკა I - IV კლასები).
სკოლაში მასწავლებლებს წინსვლას ულოცავენ.
„მარნეულის მუნიციპალიტეტის სოფელ ახალი დიოკნისის საჯარო სკოლა ულოცავს სკოლის პედაგოგებს მასწავლებელთა კომპეტენციის დამადასტურებელი ტესტირების წარმატებით დაძლევას“,- ვკითხულობთ სკოლის გავრცელებულ მისალოც წერილში.
შეგახსენებთ, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
