„ვამაყობთ თქვენით!“ - საჭამიასერის საჯარო სკოლის დირექცია და პედაგოგები კურსდამთავრებულებს სტუდენტობას ულოცავენ
06-09-2023
ჩოხატაურის მუნიციპალიტეტის სოფელ საჭამიასერის საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს და სხვადასხვა უმაღლეს სასწავლებელში, მათთვის სასურველ ფაკულტეტებზე ჩაირიცხნენ.
წელს სკოლიდან სტუდენტები გახდნენ:
- ნატა ქორიძე - თელავის სახელმწიფო უნივერსიტეტი;
- ლუკა ქორიძე - თბილისის ივანე ჯავახიშვილის სახელობის თბილისის სახელმწიფო უნივერსიტეტი;
- ნინო თევზაძე - ივანე ჯავახიშვილის სახელობის თბილისის სახელმწიფო უნივერსიტეტი;
- მარიამ დუდუჩავა - გორის სახელმწიფო უნივერსიტეტი;
- ანა მჟავია - ბათუმის შოთა რუსთაველის სახელმწიფო უნივერსიტეტი;
- ნინო ჭილაძე - ილიას სახელმწიფო უნივერსიტეტი.
სკოლაში მოსწავლეებს მიღწეულ შედეგს ულოცავენ და ნაყოფიერ სტუდენტობას უსურვებენ.
„დიდი სიყვარულით გილოცავთ სტუდენტობას ჩემო ძვირფასებო! წარმატებული სტუდენტობა და ბედნიერი დღეები. ვამაყობთ თქვენით!“,- ვკითხულობთ სკოლის გავრცელებულ მისალოც წერილში.
აღსანიშნავია, რომ წელს ერთიან ეროვნულ გამოცდებზე აბიტურიენტთა რეკორდული რაოდენობა - 45 ათასზე მეტი აპლიკანტი დარეგისტრირდა, სტუდენტის სტატუსი კი 34 ათასზე მეტმა აბიტურიენტმა მოიპოვა.
სკოლების სიახლეები
