კასპის მუნიციპალიტეტის სოფელ ახალციხის საჯარო სკოლის პედაგოგები პროფესიულ წინსვლასა და განვითარებაზე ზრუნავენ.
წელს სკოლას ოთხი წამყვანი მასწავლებელი შეემატა. სკოლის პედაგოგებმა - პეპო ბუძიშვილმა, მზია ხუციშვილმა, ანა ჯანგიშერაშვილმა და ია ჯანაშვილმა სტატუსი აიმაღლეს.
სკოლაში პედაგოგთა პროფესიული წინსვლა ახარებთ და შემდგომ წარმატებას უსურვებენ.
„ჩვენი სკოლის პედაგოგებს - პეპო ბუძიშვილს, მზია ხუციშვილს, ანა ჯანგიშერაშვილს და ია ჯანაშვილს ვულოცავთ პროფესიულ წინსვლას. წამყვანი მასწავლებლის სტატუსს, გვახარებს თქვენი წარმატება და კიდევ ბევრ წარმატებას და წინსვლას ვუსურვებ ჩვენს სკოლას, ჩვენი ბავშვების სასიკეთოდ“,- აღნიშნავენ სკოლაში.
აღსანიშნავია, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
