პაოლო იაშვილის სახელობის საჩხერის მუნიციპალიტეტის სოფელ არგვეთის საჯარო სკოლის პედაგოგები უწყვეტ პროფესიულ წინსვლას აგრძელებენ.
წელს სკოლას ერთი მენტორი და ერთი წამყვანი მასწავლებელი შეემატა. სტატუსი - ლალი აბულაძემ და ნატო კიპაროიძემ აიმაღლეს. ლალი აბულაძე ახლა უკვე მათემატიკის მენტორი მასწავლებელია, ნატო კიპაროიძე კი - ქართული ენა და ლიტერატურის წამყვანი პედაგოგი.
ამ დროისათვის არგვეთის საჯარო სკოლას ჰყავს: 4 მენტორი, 13 წამყვანი და 8 უფროსი მასწავლებელი.
სკოლაში ლალი აბულაძესა და ნატო კიპაროიძეს პროფესიულ წინსვლას ულოცავენ და შემდგომ წარმატებას უსურვებენ.
აღსანიშნავია, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
