ლაშის საჯარო სკოლის დირექცია და პედაგოგები კურსდამთავრებულებს - დიანა ლომსაძესა და შორენა ცისკაძეს სტუდენტობას ულოცავენ
04-09-2023
წმინდა მღვდელმოწამე სიმონ მჭედლიძის სახელობის ხარაგაულის მუნიციპალიტეტის სოფელ ლაშის საჯარო სკოლის კურსდამთავრებულები - დიანა ლომსაძე და შორენა ცისკაძე, მათთვის სასურველი უნივერსიტეტის სტუდენტები გახდნენ.
აღსანიშნავია, რომ დიანა კავკასიის საერთაშორისო უნივერსიტეტის მედიცინის პროგრამაზე ჩაირიცხა, ხოლო შორენა - აკაკი წერეთლის სახელმწიფო უნივერსიტეტში, მოდის დიზაინსა და ტექნოლოგიას დაეუფლება.
სკოლა კურსდამთავრებულთა წარმატებით ამაყობს და მათ წინსვლას უსურვებს.
„გილოცავთ სტუდენტობას... წარმატებული სტუდენტობა და მომავალი, გოგონებო!“, - აღნიშნავენ სკოლაში.
აღსანიშნავია, რომ წელს ერთიან ეროვნულ გამოცდებზე აბიტურიენტთა რეკორდული რაოდენობა - 45 ათასზე მეტი აპლიკანტი დარეგისტრირდა, სტუდენტის სტატუსი კი 34 ათასზე მეტმა აბიტურიენტმა მოიპოვა.
სკოლების სიახლეები
