წელს, ხულოს მუნიციპალიტეტის სოფელ დიდაჭარის საჯარო სკოლის 10 კურსდამთავრებული იბრძოდა სტუდენტობისთვის, დღეს კი, სკოლა დიდი სიამაყით გვაუწყებს, რომ ყველა მათგანი სასურველ უნივერსიტეტში ჩაირიცხა.

აღსანიშნავია, რომ წარმატებულ კურსდამთავრებულებს შორისაა 2 აბიტურიენტი, რომლებმაც სახელმწიფო დაფინანსება მოიპოვეს.

როგორც სკოლაში გვიყვებიან, ერთმა აბიტურიენტმა ინგლისურში, მაქსიმალური, 70 ქულა აიღო, ქართულში კი - 60-დან, 58 ქულა.

სკოლა კურსდამთავრებულებს დიდი სიამაყით ულოცავს მიღწეულ წარმატებას და მათ საინტერესო სტუდენტობას უსურვებს.