ჟიული შარტავას სახელობის სენაკის N2 საჯარო სკოლის მე-5^ა კლასის მოსწავლე - თამარ ადამიამ ზაფხულის დღეები მეტად ნაყოფიერად გაატარა. მან სრული დაფინანსებით ისწავლა ბრიტანულ საზაფხულო სკოლაში.

თამარის წარმატებაში, დიდი წვლილი შეიტანა ინგლისური ენის მასწავლებელმა - ნინო ჯოჯუამ.

როგორც სკოლაში გვიყვებიან, თამარი მთელი ორი კვირის მანძილზე ჯგუფის ლიდერი გახლდათ და სკოლაში საკუთარი შესაძლებლობების საუკეთესოდ წარმოჩენაც მოახერხა. 

აღსანიშნავია, რომ თამარმა, უმაღლესი ქულა დააგროვა და ჯილდოდ ფასიანი საჩუქარიც დაიმსახურა.

„შემდგომი წარმატება და წინსვლა თამარს“,- მიღწეულ წარმატებას, სასკოლო საზოგადოება დიდი სიამაყით ულოცავს მოსწავლეს.