მარტვილის N2 საჯარო სკოლის კურსდამთავრებულებმა ერთიან ეროვნულ გამოცდებზე ინგლისურ ენაში უმაღლესი ქულები მიიღეს
აზა ადამიას სახელობის, ქალაქ მარტვილის N2 საჯარო სკოლაში მოსწავლეთა წარმატებულ მომავალსა და განვითარებაზე აქტიურად ზრუნავენ.
ამაზე კურსდამთავრებულთა მიღწევებიც მეტყველებს. 2022-2023 სასწავლო წელს სკოლა 34-მა მოსწავლემ დაამთავრა. მათ შორის 6 - გეგა გეგეჭკორი, ნიკა რევია, ლუკა კვესელავა, გიორგი ჩიხლაძე, მედეა წოწორია და ლიკა ჯაშია ოქროს, ხოლო 1 - ლიზი ცაავა ვერცხლის მედლის კანდიდატია.
კურსდამთავრებულებმა სკოლა ერთიან ეროვნულ გამოცდებზეც ასახელეს. კერძოდ, გიორგი ჩიხლაძემ და საბა ახალაიამ ინგლისურ ენაში უმაღლესი - 70, ხოლო ნანუკა გარსევანიშვილმა 69 ქულა მიიღო. მათი პედაგოგი მზისა ცანავაა.
სკოლაში კურსდამთავრებულთა მიღწევით ამაყობენ და წარმატებას უსურვებენ.