ზუგდიდისა და ცაიშის ეპარქიის ახალგაზრდობის, განათლებისა და კულტურის ცენტრის ორგანიზებით, წლის განმავლობაში, არაერთი გამორჩეული და საინტერესო ღონისძიება ეწყობა. 

ზუგდიდისა და ცაიშის ეპარქიის სოფელ ლიის წმინდა გიორგის სახელობის ტაძრის წინამძღვარმა, დეკანოზმა გალქტიონმა (ფიფია) ზუგდიდისა და ცაიშის ეპარქიის ახალგაზრდობის, განათლებისა და კულტურის ცენტრის ხელმძღვანელს გიორგი ფიფიას  კულტურულ-საგანმანათლებლო საქმიანობაში გაწეული მუშაობისთვის მადლობა გადაუხადა.

გარდა ამისა, მადლობა გადაუხადეს ხელოვნების, ხატვისა და ხატწერის პედაგოგს, ლელა ლაცუზბაიას, ფოლკლორის, ხალხური სიმღერებისა და საეკლესიო ტრადიციული გალობის გუნდის ხელმძღვანელს, ნიკოლოზ ლატარიას და ჭადრაკის პედაგოგს ზურიკო სამუშიას.