გორის მუნიციპალიტეტის სოფელ პატარა გარეჯვრის საჯარო სკოლის მოწაფეები არაფორმალური განათლების პროექტებში აქტიურად მონაწილეობენ და სხვადასხვა კონკურსებში წარმატებას აღწევენ.
მათ შორის მოსწავლეები ჩართულნი იყვნენ გორის კულტურის სახლის მიერ გამოცხადებულ ხელნაკეთი წიგნების კონკურსში და შემოქმედებითი ნიჭი და შესაძლებლობები წარმატებით წარმოაჩინეს.
პატარა გარეჯვრის საჯარო სკოლის დირექციამ მოსწავლეები - ვერიკო ბერიანიძე, ირაკლი ფალელაშვილი, ბარბარე მარღიშვილი, ზუკა ჯაფიაშვილი, ედი მურადაშვილი, მარიამ შავდათუაშვილი და ნინი მურდაშვილი კონკურსში აქტიური მონაწილეობისთვის დააჯილდოვა.
მოსწავლეთა პედაგოგი ირმა რობაქიძე გახლავთ.
აღსანიშნავია, რომ პატარა გარეჯვრის საჯარო სკოლაში მოსწავლეთა მიღწევები ყოველთვის წახალისებულია, რაც ბავშვების მოტივაციაზე დადებითად აისახება.
