წყალტუბოს N1 საჯარო სკოლის დირექტორი და პედაგოგები ქალაქ ზუგდიდში საინტერესო მასტერკლასს დაესწრნენ
07-08-2023
ოტია იოსელიანის სახელობის ქალაქ წყალტუბოს N1 საჯარო სკოლა და მისი საგანმანათლებლო ლიდერი ფაქიზო ფანჩულიძე პედაგოგთა პროფესიულ ზრდაზე მუდმივად ზრუნავს.
სწორედ აღნიშნული მიზნით, სკოლის დირექტორი ფ.ფანჩულიძე და პედაგოგები - ი.წულუკიძე, ა.ნაფეტვარიძე და ლ.ჩირგაძე დაესწრნენ ქალაქ ზუგდიდის N4 საჯარო სკოლაში, საგანმანათლებლო ტრენინგ-ცენტრ „ატომის“ ხელმძღვანელის - ცირა გულუას ორგანიზებით მოწყობილ მანანა ჯინჭარძის მასტერკლასს - „ღირებულებითი განათლება პედაგოგიკაში“.
ტრენინგი მეტად საინტერესო და ნაყოფიერი აღმოჩნდა. „ქალბატონი მანანა მისთვის ჩვეული პროფესიონალი...“-ასე აფასებენ წყალტუბოს N1 საჯარო სკოლაში მანანა ჯინჭარძის მასტერკლასს.
დირექტორი და პედაგოგები სპეციალური სერტიფიკატებით დაჯილდოვდნენ.
იხილეთ ფოტოები:
სკოლების სიახლეები
