საგარეჯოს N1 საჯარო სკოლის ორ კურსდამთავრებულს ერთიან ეროვნულ გამოცდაზე, უცხო ენაში უმაღლესი შეფასება აქვს.
სკოლაში თიკა სამყურაშვილისა და ელენე მათიაშვილის წარმატებით ამაყობენ. ახალგაზრდებმა უცხო ენაში უმაღლესი - 70 ქულა დაიმსახურეს.
სკოლის დირექცია და პედაგოგები მოსწავლეებს წარმატებას ულოცავენ და სასურველ უმაღლეს სასწავლებელსა და ფაკულტეტზე ჩაბარებას უსურვებენ.
„ჩვენი სკოლის მოსწავლეებს: თიკას და ელენეს, ვულოცავთ, უცხო ენის გამოცდის გამორჩეულ შედეგს - 70/70. ვამაყობთ და წარმატებებს ვუსურვებთ ყველა კურსდამთავრებულს“,- აღნიშნავენ სკოლაში.
შეგახსენებთ, რომ ერთიანი ეროვნული გამოცდების შედეგების გამოქვეყნება გუშინ, ქართული ენისა და ლიტერატურის ტესტირების შეფასების გაცხადებით დაიწო. დღეს, კი შეფასებისა და გამოცდების ეროვნულმა ცენტრმა უცხოური ენების ტესტირების შედეგები გამოაქვეყნა.
