ქობულეთის მუნიციპალიტეტის სოფელ აჭყვას საჯარო სკოლის პედაგოგები პროფესიულ წინსვლასა და განვითარებაზე უწყვეტად ზრუნავენ.
ამჯერად, სტატუსი ინგლისური ენის პედაგოგმა, მირანდა ქათამაძემ აიმაღლა. პედაგოგს წამყვანი მასწავლებლის სტატუსი მიენიჭა.
სკოლაში მასწავლებელს პროფესიულ წინსვლას ულოცავენ.
„ქობულეთის მუნიციპალიტეტის სოფელ აჭყვას საჯარო სკოლა ულოცავს ინგლისური ენის პედაგოგ მირანდა ქათამაძეს წამყვანი მასწავლებლის სტატუსის მინიჭებას. უსურვებს წარმატებულ პედაგოგიურ მოღვაწეობას!“,- ვკითხულობთ სკოლის მისალოც წერილში.
აღსანიშნავია, რომ სტატუსის ამაღლების მსურველი მასწავლებლების ნაწილს, ვინც პროფესიული საქაღალდე კომისიას წარუდგინა, eSchool-ის ბაზაში სტატუსი უკვე აესახა.
მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს
