წალკის N1 საჯარო სკოლის მოსწავლეებმა 2022-23 სასწავლო წელიც, ტრადიციულად, წარმატებით დაასრულეს. საბაზო საფეხური 11-მა მოსწავლემ დაამთავრა. საფეხურის წარჩინებით დასრულებისთვის ნიკა მიქელაძეს, ლუკა ნანსყანს და თეკლა ხორგუანს პროგრამის - „ჩემი პირველი კომპიუტერი“ ფარგლებში ლეპტოპები გადაეცემათ.
წელს, სკოლას საშუალო საფეხურის 20 კურსდამთავრებული ჰყავს, მათ შორის 6 ოქროს, 1 კი ვერცხლის მედლის კანდიდატია.
სკოლის დირექტორი მარინე ბერიანიძე ახალგაზრდებს სწავლაში მიღწეულ წარმატებას ულოცავს.
„დარწმუნებული ვარ, გიორგი ვიბლიანი, მათე ვიბლიანი, ლიზი იაკობაძე, ნუკრი მეკეიძე, მარიამ ნანსყანი, სვეტლანა სტეპანიანი, სოფიკო ვანაძე ეროვნული გამოცდებსაც წარმატებით დაძლევენ და გამორჩეული სტუდენტებიც იქნებიან. ვულოცავ ჩვენს წარჩინებულ მოსწავლეებს და ვუსურვებ წარმატებებს მომავალშიც!“- აღნიშნავს სკოლის დირექტორი მარინე ბერიანიძე.
