ნოდარ ახალკაცის სახელობის ქალაქ თბილისის N9 საჯარო სკოლაში ნაყოფიერი სასწავლო წელი მოსწავლეთა სწავლაში მიღწეული წარმატებით დაგვირგვინდა. 

როგორც სკოლაში გვეუბნებიან, თბილისის N9 საჯარო სკოლას ყოველ წელს ჰყავს ოქროსა და ვერცხლისმედალოსნები და ასევე, წარჩინებულ მოსწავლეებს პროგრამის - „ჩემი პირველი კომპიუტერი“ ფარგლებში გადაეცემათ ლეპტოპები. 

არც 2022-2023 სასწავლო წელი ყოფილა გამონაკლისი, წელს სკოლას ჰყავს 11 ოქროსა და 3 ვერცხლისმედალოსანი, ხოლო „ჩემი პირველი კომპიუტერის“ ფარგლებში ლეპტოპებით დაჯილდოვდა 14 წარჩინებული მოსწავლე.

აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.

შეგახსენებთ, რომ ოქროს მედალი სკოლის კურსდამთავრებულებს იმ შემთხვევაში გადაეცემათ, თუ მათი საშუალო საფეხურის საერთო ქულა იქნება 10 დამრგვალების გარეშე. ის მოსწავლე კი, რომლის საშუალო საფეხურის საერთო ქულა იქნება 9.8 ვერცხლის მედალს მოიპოვებს.