ფარცხანაყანევის N4 სკოლის მოსწავლეებმა - ნიკოლოზ თევდორაძემ და ვახტანგ შეშაბერიძემ საბაზო საფეხური წარჩინებით დაასრულეს
26-07-2023
წყალტუბოს მუნიციპალიტეტის სოფელ ფარცხანაყანევის N4 საჯარო სკოლას არაერთი წარჩინებული მოსწავლე ჰყავს.
მათ შორის არიან მეცხრეკლასელები - ნიკოლოზ თევდორაძე და ვახტანგ შეშაბერიძე, რომელთაც საბაზო საფეხური წარმატებით დაასრულეს. მოსწავლეები პროგრამის - „ჩემი პირველი კომპიუტერი“ ბენეფიციარები არიან.
სკოლაში მოსწავლეთა სწავლაში მიღწეული წარმატება ახარებთ და ნიკოლოზ თევდორაძესა და ვახტანგ შეშაბერიძეს ახალი მწვერვალების დაპყრობას უსურვებენ.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
სკოლების სიახლეები
