დერჩის საჯარო სკოლის მოსწავლეთა წარმატება მოკლემეტრაჟიანი დოკუმენტური ფილმების კონკურსში
26-07-2023
აკადემიკოს გიორგი ახვლედიანის სახელობის წყალტუბოს მუნიციპალიტეტის სოფელ დერჩის საჯარო სკოლაში მოსწავლეებში შემოქმედებითი ნიჭისა და შესაძლებლობების განვითარებას დიდი ყურადღება ექცევა, რაც მოსწავლეთა მიღწევებზე აისახება.
ამჯერად, მოსწავლეებმა სკოლა მოკლემეტრაჟიანი დოკუმენტური ფილმების სატელევიზიო კონკურსში - „ჩემი სკოლა“ ასახელეს.
21 ივლისს, ქობულეთში გამართულ დოკუმენტური ფილმების ტელეკონკურსში, რომელიც TV12 ინიციატივით გაიმართა, დერჩის საჯარო სკოლამ ნომინაციით - „მომავლის სკოლა“ მეორე ადგილი დაიკავა.
კონკურსში მონაწილე შემოქმედებითი ჯგუფის შემადგენლობაში არიან: ხელმძღვანელი მარინე ჭუმპაშვილი. მოსწავლეები - ლუკა ჯილესაშვილი, დათო ასათიანი, თამარ სულწაძე, თომა ჭუმბაშვილი. პედაგოგი ია ქვარიანი.
იხილეთ ფოტოები:
სკოლების სიახლეები
