ზუგდიდის მუნიციპალიტეტის სოფელ ჯუმის საჯარო სკოლაში მესამე თაობის ეროვნული სასწავლო გეგმა წარმატებით ინერგება. მოსწავლეები აქტიურად ასრულებენ საინტერესო და მრავალფეროვან კომპლექსურ დავალებებს.
მოსწავლეთა შესრულებული დავალებები მასწავლებელთა კონფერენციის ფარგლებში გამართულ ღონისძიებაზე გამოიფინა.
3 ივლისს, საქართველოს განათლებისა და მეცნიერების სამინისტროს, ქალაქ ზუგდიდის საგანმანათლებლო რესურსცენტრისა და ზუგდიდის მუნიციპალიტეტის მერიის ერთობლივი თანამშრომლობით, მასწავლებელთა კონფერენცია -2023 „ინოვაციები და გამოწვევები ეროვნული სასწავლო გეგმის დანერგვის პროცესში“ (კომპლექსური დავალება - მოსწავლის პიროვნული განვითარების გზა) გაიმართა. კონფერენციის ფარგლებში, სკოლის მოსწავლეების აქტიური ჩართულობით მოეწყო, მათ მიერ შექმნილი ნამუშევრებისა და პოსტერების გამოფენა, სადაც ზუგდიდის მუნიციპალიტეტის სოფელ ჯუმის საჯარო სკოლის მოსწავლეებმა - ლუკა ჯაბუამ, კახაბერ შამფრიანმა და მონიკა ებრალიძემ ფიზიკასა და ბუნებისმეტყველებაში (პედაგოგები: ნინო ფარცვანია და ირმა ბუკია) შესრულებული კომპლექსური დავალებები წარადგინეს.
მოსწავლეთა ნამუშევრებმა ღონისძიების სტუმრების დიდი ინტერესი და მოწონება დაიმსახურა.
იხილეთ ფოტოები:
