ხულოს მუნიციპალიტეტის სოფელ განახლების საჯარო სკოლაში „რონდელის ფონდის“ განხორციელებულ აქტივობებში მონაწილე და გამარჯვებულ მოსწავლეთა დაჯილდოების ღონისძიება გაიმართა.
სკოლაში მუნიციპალიტეტის სკოლების წარმატებულ მოსწავლეებს, „რონდელის ფონდის“ წარმომადგენლებს, ხულოს რესურსცენტრის ხელმძღვანელობასა და მასწავლებლებს უმასპინძლეს.
სასწავლო წლის განმავლობაში „რონდელის ფონდის“ განხორციელებულ აქტივობებში მონაწილე/გამარჯვებული მოსწავლეები ორგანიზატორებმა სხვადასხვა პრიზებით დააჯილდოვეს. გრანდიოზულ ღონისძიებას კი განახლების საჯარო სკოლამ უმასპინძლა.
ხულოს მუნიციპალიტეტის სოფელ განახლების საჯარო სკოლიდან წარდგენილი იყო 4 მოსწავლე - ქეთი ცეცხლაძე, ლუკა იაკობაძე, ენრი ჯაყელი და გიორგი ოჯახიშვილი. მათგან ენრი, გიორგი და ქეთი ყურსასმენებით დასაჩუქრდნენ. ლუკა იაკობაძე კი მობილური ტელეფონით დაჯილდოვდა.
სკოლაში მოსწავლეებს წარმატებას ულოცავენ და წინსვლას უსურვებენ.
„შრომა მუდმივად ფასდება. გილოცავთ, ბავშვებო, წარმატება სამომავლოდ თქვენ და თქვენს მეგობრებს!“- აღნიშნავენ სკოლაში.
იხილეთ ფოტოები:
