ტყიბულის N1 საჯარო სკოლაში როგორც მოსწავლეთა საგნობრივი ცოდნის, ისე ინტელექტუალური და ანალიტიკური უნარების განვითარებას დიდი ყურადღება ექცევა, რად მოზარდების შესაძლებლობებზე დადებითად აისახება. მოსწავლეები აქტიურად მონაწილეობენ სხვადასხვა კონკურსებში და წარმატებასაც აღწევენ. 

3 ივნისს, თბილისში აღმოსავლეთ ევროპის უნივერსიტეტმა უმასპინძლა ინტელექტუალური თამაშის - „რა? სად? როდის?“ სასკოლო ჩემპიონატის ფინალს, რომელშიც საქართველოს მასშტაბით 46 გუნდი მონაწილეობდა. ტყიბულის N1 საჯარო სკოლის ნორჩ ინტელექტუალთა გუნდმა - „ჯინსების თაობა“ კონკურსში წარმატებით იასპარეზა. 

სკოლაში გუნდის წევრებს - საბა ქენქაძეს, ზურაბ კოროშინაძეს, მარიამ გვენეტაძეს, ელენე ძაგნიძეს, ნინო ხუხუნისა და ანანო გაბრიაძეს წარმატებას ულოცავენ. 

„სკოლის ნორჩ ინტელექტუალთა გუნდმა - „ჯინსების თაობა“ დაძაბული კონკურსი მე-5 შედეგით დაასრულა. მადლობა, ჩვენს „ჯინსელებს“ მე-11 კლასიდან: საბა ქენქაძე (კაპიტანი), ზურაბ კოროშინაძე, მარიამ გვენეტაძე, ელენე ძაგნიძე, ნინო ხუხუნი და ანანო გაბრიაძე (მე-8 კლასი)“,- აღნიშნავენ სკოლაში. 

იხილეთ ფოტოები: