
თეთრიწყაროს მუნიციპალიტეტის სოფელ ჭივჭავის საჯარო სკოლის დირექტორი ნანა ხაჭვანი წარმატებული ხელმძღვანელია, რომელიც გამოწვევებსა და სიახლეებს სამაგალითოდ უმკლავდება. საქმის, სკოლისა და მოსწავლე-მასწავლებელთა სიყვარული კი მოტივაციას აძლევს საკუთარი წვლილი შეიტანოს ღირსეული საზოგადოების ფორმირებაში.
- ეს სასწავლო წელი იყო...
- უდიდესი პასუხისმგებლობა, ბევრი გამოწვევებისა და სიახლეების ფონზე მეტად დატვირთული.
- მშობლებს სკოლის სახელით ვეტყოდი...
- მეტ ჩართულობას სასკოლო ცხოვრებაში, რადგან მათ ჩართულობას ძალიან დიდი მნიშვნელობა აქვს სასკოლო ცხოვრების განვითარებისთვის, ასევე, მოსწავლის აკადემიურ მოსწრებებისთვის, მაგრამ ეს ჩართულობა არ უნდა იყოს გადაჭარბებული.
- ბოლო ზარზე პერანგზე დავიწერდი/დავიხატავდი...
- რატომაც არა?! - დავიწერდი, დავიხატავდი, მიყვარს სიახლეები. დახატულ პერანგებს შევინახავდი და ერთ პატარა ისტორიად ვაქცევდი.
- მე რომ აბიტურიენტი ვიყავი...
- მე ვიყავი მეოცნებე აბიტურიენტი, ვიცოდი, რომ გავხდებოდი სტუდენტი მიუხედავად იმისა, რომ 90-ანი წლები ერთ-ერთი ყველაზე რთული პერიოდი იყო ჩვენი ქვეყნის ისტორიაში.
- მომავალ პირველკლასელებს ვეტყოდი...
- ფეხბედნიერი იყოს თქვენი მობრძანება ცოდნის ტაძარში.
- მოსწავლისგან მიღებული შექება/კომპლიმენტი, რომელიც განსაკუთრებით დამამახსოვრდა...
- „თქვენ ყოველთვის ჩვენს გვერდით დგახართ“.
- მოტივაციას მაძლევს...
- ჩემი საქმე, სკოლა, მასწავლებლებისა და მოსწავლეთა სიყვარული.