„მომავალ პირველკლასელებს ვეტყოდი მეტი ყურადღება დაუთმონ სწავლას, გართობასთან შედარებით“- იყალთოს საჯარო სკოლის დირექტორი ნოდარ ბერძენაშვილი
07-07-2023

თელავის მუნიციპალიტეტის სოფელ იყალთოს საჯარო სკოლის დირექტორი ნოდარ ბერძენაშვილი წარმატებული ხელმძღვანელია, რომლისთვისაც პრიორიტეტი სასკოლო საზოგადოებაზე ზრუნვაა. ამ კეთილშობილურ საქმეს კი ღირსეულად ემსახურება და საკუთარი წვლილი შეაქვს წიგნიერი საზოგადოების ჩამოყალიბებაში. 

- ეს სასწავლო წელი იყო...
- სასიხარულო, რადგან რესურსცენტრმა გვაცნობა, რომ 2023 -2024 სასწავლო წელს მოხდება იყალთოს საჯარო სკოლის სრული რეაბილიტაცია.

- მშობლებს სკოლის სახელით ვეტყოდი...
- მეტი ყურადღება დაუთმონ შვილების სწავლა - აღზრდის საქმეს, ყურადღება მიაქციონ ჯანსაღი კვების საკითხებს.

- ბოლო ზარზე პერანგზე დავიწერდი/დავიხატავდი...
- მზეს და გულს, მშვიდობას და სიყვარულს.

- მე რომ აბიტურიენტი ვიყავი...
- მთელი წელიწადი წიგნებს ჩავკირკიტებდი, რათა გამოცდები კარგად ჩამებარებინა.

- მომავალ პირველკლასელებს ვეტყოდი...
- მეტი ყურადღება დაუთმონ სწავლა-აღზრდის საკითხებს, გართობასთან შედარებით.

- მოსწავლისგან მიღებული შექება/კომპლიმენტი, რომელიც განსაკუთრებით დამამახსოვრდა...
- რომ კარგად გამოვიყურები.

- მოტივაციას მაძლევს...
- ის ფაქტი, რომ ქვეყანა ვითარდება და უკეთესი მომავლის იმედი მაქვს.

 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203