ოზურგეთის მუნიციპალიტეტის სოფელ კვირიკეთის საჯარო სკოლის ხელმძღვანელი ნათია მიქელაძე წარმატებული დირექტორია, რომლისთვისაც მთავარი საზრუნავი მოსწავლე-მასწავლებელთა კეთილდღეობაზე ზრუნვაა. ის ამ კეთილშობილურ საქმეს ღირსეულად ემსახურება და განათლებული საზოგადოების ფორმირებაში საკუთარი წვლილი შეაქვს. გთავაზობთ ბლიც-ინტერვიუს კვირიკეთის საჯარო სკოლის დირექტორ ნათია მიქელაძესთან:
- ეს სასწავლო წელი იყო...
- საინტერესო და პროდუქტიული.
- მშობლებს სკოლის სახელით ვეტყოდი...
- მეც მშობელი ვარ, ამავე დროს მასწავლებელი. სკოლას ვეტყოდი მადლობას, ჩემი შვილების მიმართ გაწეული შრომისა და სიყვარულისთვის.
- მე რომ აბიტურიენტი ვიყავი...
- არ მქონდა ის კარგი პირობები, რაც დღესდღეობით ჩვენს აბიტურიენტებს აქვთ.
- მომავალ პირველკლასელებს ვეტყოდი...
- წინ საინტერესო თავგადასავალი გელოდებათ!
- მოსწავლისგან მიღებული შექება/კომპლიმენტი, რომელიც განსაკუთრებით დამამახსოვრდა...
- „მიყვარხარ! სულ ჩემი მასწავლებელი ხომ იქნები“?
- მოტივაციას მაძლევს...
- ბავშვების სიყვარული და მათთან გატარებული ყოველი წუთი ჩემი ყველაზე დიდი მოტივაციაა, ასევე პასუხისმგებლობა.
