ბოლნისის მუნიციპალიტეტის სოფელ რატევანის საჯარო სკოლაში ერუდირებული, წიგნიერი და ინტელექტუალური თაობის აღზრდა პრიორიტეტია, პედაგოგები მოსწავლეებს კრიტიკულ აზროვნებას ასწავლიან და მათ მრავალმხრივ განვითარებაზე ზრუნავენ, რაც მოსწავლეთა მიღწევებზე აისახება. 

სკოლის, მე-10 კლასის მოსწავლე ნია ასანიძე, ვაჟა-ფშაველას სახელობის თბილისის N87 საჯარო სკოლის 75 წლის იუბილესადმი მიძღვნილი ესეების კონკურსში - „რამ შემქმნა ადამიანად...“ მონაწილეობდა და ნომინაციაში - „მხატვრული წერის ოსტატი“ გაიმარჯვა.

სკოლაში მოსწავლის წარმატება ახარებთ და წინსვლას უსურვებენ. 

„ვულოცავთ, ნიას ამ წარმატებას და ვუსურვებთ კვლავაც ბევრჯერ ესახელებინოს თავისი მშობლიური სკოლა!“,- აღნიშნავენ სკოლაში.