იფნარის საჯარო სკოლის საბაზო საფეხური წელს სამმა მოსწავლემ დაამთავრა - დირექტორი მეცხრეკლასელებს სიყვარულით ემშვიდობება და წარმატებას უსურვებს
06-07-2023
ბაქირ კარალოვის სახელობის დმანისის მუნიციპალიტეტის სოფელ იფნარის საჯარო სკოლაში სასწავლო წელი წარმატებით დასრულდა.
პედაგოგებმა, დირექტორის - გუსეინ მუსაევის ხელმძღვანელობით ყველაფერი გააკეთეს, რომ სასწავლო პროცესი მოსწავლეებისთვის მეტად საინტერესო, შემეცნებითი და მრავალფეროვანი ყოფილიყო, ყოველდღიურად ზრუნავდნენ მოსწავლეთა მოტივაციაზე და მათი ნიჭისა და უნარების განვითარებაზე.
აღსანიშნავია, რომ სკოლა საბაზოა. მე-9 კლასი წელს სკოლაში სამმა მოსწავლემ დაამთავრა. სკოლიდან საბაზო საფეხურის კურსდამთავრებულები დიდი სიყვარულითა და საუკეთესო სურვილებით გააცილეს.
სკოლის დირექტორი გუსეინ მუსაევი თითოეულ მათგანს უსურვებს წინსვლასა და წარმატებას.
სკოლების სიახლეები
