ჭაპალის საჯარო სკოლის დირექტორი ვანახარ კახრამანოვა კურსდამთავრებულებს წარმატებულ მომავალსა და სასურველ უმაღლეს სასწავლებლებში ჩაბარებას უსურვებს
06-07-2023
ბოლნისის მუნიციპალიტეტის სოფელ ჭაპალის საჯარო სკოლაში სასწავლო წელი ტრადიციულად წარმატებით დამთავრდა.
სასწავლო წელი გაჯერებული იყო მრავალფეროვანი საგანმანათლებლო ღონისძიებებით თუ აქტივობებით.
პედაგოგები, დირექტორის - ვანახარ კახრამანოვას ხელმძღვანელობით, მოწაფეების მრავალმხრივ განვითარებაზე, ცოდნის გაღრმავებასა და უნარ-ჩვევების განვითარებაზე ყოველდღიურად ზრუნავდნენ და ბავშვებს მათ ინტერესებზე მორგებულ სასწავლო გარემოს სთავაზობდნენ.
წელს საშუალო სკოლა დაამთავრა 13-მა მოსწავლემ. სკოლიდან კურსდამთავრებულები სიყვარულითა და საუკეთესო სურვილებით გააცილეს და წარმატებული მომავალი უსურვეს.
დირექტორი ვანახარ კახრამანოვა აბიტურიენტებს სასურველ უმაღლეს სასწავლებელში ჩაბარებას და წარმატებულ მომავალს უსურვებს.
სკოლების სიახლეები
