გიორგი ჭალადიდელის სახელობის სენაკის მუნიციპალიტეტის სოფელ ზემო ჭალადიდის საჯარო სკოლაში სასწავლო წელი შემეცნებითი და საინტერესო აქტოვბებით იყო გაჯერებული.

აღსანიშნავია, რომ მოსწავლეები მნიშვნელოვან თარიღებსა და დღესასწაულებს განსაკუთრებულად აღნიშნავდნენ, მათ შორის აღსანიშნავია ევროპის დღე.

სკოლაში, ამ დღესთან დაკავშირებით საგნობრივი პრეზენტაცია მოეწყო, სადაც მოსწავლეებმა, საქართველო-ევროკავშირის ურთიერთობაზე, ინგლისურ ენაზე, საინტერესო მასალა მოამზადეს და თანამშრომლობის განვითარების ეტაპებიც მიმოიხილეს.

შეხვედრა ინტერაქციული და საინტერესო აღმოჩნდა, მოსწავლეებმა ერთმანეთს თავიანთი დამოკიდებულებები გაუზიარეს და აღნიშნულ საკითხთან დაკავშირებით არგუმენტირებულად იმსჯელეს.