წყალტუბოს მუნიციპალიტეტის სოფელ მაღლაკის N2 საჯარო სკოლიდან 2023 წლის კურსდამთავრებულები დიდი სიყვარულით გააცილეს.
კურსდამთავრებულებისთვის 19 ივნისს „ბოლო ზარი“ საზეიმოდ დაირეკა. მათ ტრადიციული თეთრი მაისურები მოირგეს და ერთმანეთს საუკეთესო სურვილები დაუტოვეს. დამამთავრებელი კლასის მოსწავლეებმა ასევე სკოლაში გატარებული წლები გაიხსენეს და მასწავლებლებს შრომისა და ამაგისთვის მადლობა გადაუხადეს.
კურსდამთავრებულებს სკოლის დირექტორი, მასწავლებლები და მოსწავლეები ემოციურად დაემშვიდობნენ და ცხოვრების ახალ ეტაპზე წარმატება უსურვეს.
„19 მაისი - დღე-ბედნიერების, სიხარულის, სინანულისა და მადლიერების. ბავშვური გულწრფელობით გულაჩუყებული ჩვენი საყვარელი მე-12 კლასელები და არანაკლებ გულაჩუყებული მაყურებელი. გვჯერა, აუცილებლად გაიჟღერებს თითოეული თქვენგანის სახელი სიამაყით! თქვენ ყველას გაგვითბეთ გულები! გვიყვარხართ და მოგვენატრებით! წარმატებული გზა!“,-ასე დაულოცეს გზა კურსდამთავრებულებს სკოლაში.
იხილეთ ფოტოები:
