„2007 წლიდან ვმოღვაწეობ შუახევის მუნიციპალიტეტის ოლადაურის საჯარო სკოლაში. ამ ხნის განმავლობაში, ძალიან დიდი შრომა გავწიე და პროფესიულად კარგი გამოცდილება შევიძინე. მუდმივად ვცდილობ ახლის ძიებას, რათა ჩემს მოსწავლეეებს გავაცნო სიახლეები. მინდა, რომ ჩემი მოსწავლეების სწავლისადმი ინტერესი კიდევ უფრო გავზარდო, პროფესიული განვითარების ზრდის თვალსაზრისით, ჩემი მთავარი მიზანია, აქტიურად ჩავერთო კონფერენციებში, ტრენინგებსა თუ სხვადასხვა უცხოენოვან ღონისძიებებში. ჩემი მთავარი ამოცანაა პროფესიული წინსვლა უწყვეტ რეჟიმში, რათა მოსწავლეებს გაკვეთილები სწავლა-სწავლების კონსტრუქტივისტული პრინციპებით შევთავაზო. მადლობა ჩემს სკოლას, დირექტორს, პედაგოგიურ კოლექტივს, მოსწავლეებსა და მშობლებს თანამშრომლობისათვის, გუნდურობისა და მხარდაჭერისთვის“,- წერს ქეთევან დარჩიძე.