ოტია იოსელიანის სახელობის ქალაქ წყალტუბოს N1 საჯარო სკოლის დირექტორი ფაქიზო ფანჩულიძე-კუჭავა სასწავლო ვიზიტით საფრანგეთის დედაქალაქ პარიზს ესტუმრა.
ევროპაში 3-დღიანი ტრენინგის ორგანიზატორი გახლდათ საქართველოს განათლებისა და ბიზნესს აკადემიის დამფუძნებელი, გენერალური დირექტორი მარია გეთიაშვილი.
ტრენინგის თემა იყო - „პროექტული სწავლება სკოლებში“. ტრენინგის დასასრულს მონაწილეებმა ამ სამი დღის განმავლობაში შექმნილი პროექტების პრეზენტაციები წარადგინეს.
ოტია იოსელიანის სახელობის წყალტუბოს N1 საჯარო სკოლის დირექტორმა - ფაქიზო ფანჩულიძე-კუჭავამ ტრენინგის ფარგლებში ჩანიშნულ კონფერენციაზე მეტად საინტერესო მოხსენება - პრეზენტაცია წარადგინა.
პრეზენტაცია მოიცავდა განათლების და ბიზნესის აკადემიასა და წყალტუბოს N1 საჯარო სკოლას შორის თანამშრომლობით განხორციელებული წარმატებული პროექტების - სამგზის მასწავლებლის დღისა და ბავშვთა საერთაშორისო დღისადმი მიძღვნილი სასწავლო კონფერენციების შესახებ ინფორმაციას, რამაც მსმენელთა დიდი მოწონება დაიმსახურა.
საფრანგეთში ვიზიტისას ქართული სკოლების ხელმძღვანელებმა და პედაგოგებმა დაათვალიერეს პარიზის ღირსშესანიშნაობები - ვერსალის სასახლე, ლუვრისა და ორსეის მუზეუმი და ბოლოს მდინარე სენაზე გაისეირნეს.
„აღნიშნული სასწავლო ვიზიტი დაუვიწყარი იქნება საინტერესო და გონიერი მონაწილეებისა და პარიზის ღირსშესანიშნაობით“,- აღნიშნა სკოლის დირექტორმა ფაქიზო ფანჩულიძე-კუჭავამ.
იხილეთ ფოტოები:
