წყალტუბოს მუნიციპალიტეტის სოფელ გვიშტიბის საჯარო სკოლაში სასწავლო წელი წარმატებით დასრულდა. სასწავლო წელი გამოირჩეოდა მრავალფეროვანი ღონისძიებებითა და აქტივობებით. სკოლაში მე-3 კლასის მოსწავლეებმა, დამრიგებლის - გულნარა ჩიხლაძის ხელმძღვანელობით, სასწავლო წლის დასასრულს კიდევ ერთი საინტერესო აქტივობა წარმოადგინეს.
მოწაფეებმა თავიანთი შემოქმედებით კიდევ ერთხელ გაუთბეს გულები მასწავლებლებს.
როგორც სკოლაში გვიყვებიან, აქტივობის მეორე ნაწილი ინტეგრირებული იყო მე-4 კლასთან და მას მუსიკის მასწავლებელი დალი ბაკურაძე ხელმძღვანელობდა. გაერთიანებული ღონისძიება - „ნოეს კიდობანი“ - სცენარი საბავშვო სპექტაკლისათვის, მეტად საინტერესო, შემეცნებითი და შთამბეჭდავი აღმოჩნდა.
„ბავშვებმა ამ ღონისძიებით შეიძინეს ახალი პროფესია და უნარ-ჩვევები, გახდნენ მსახიობები რეჟისორები. მადლობა, ქალბატონ გულნარას და დალის საინტერესო შემოქმედებისათვის, სკოლის სახელით დიდი მადლობა მშობლებს თანამშრომლობისათვის, გვერდით დგომისა და ესთეტიკური მხარის გალამაზებისათვის“,- აღნიშნავენ სკოლაში.
აღსანიშნავია, რომ გვიშტიბის საჯარო სკოლაში მოსწავლეთა შემოქმედებითი ნიჭისა და უნარების წარმოჩენა განვითარებას დიდი ყურადღება ექცევა, რაც მოსწავლეთა შესაძლებლობებზე დადებითად აისახება.
იხილეთ ფოტო-ვიდეომასალა:იხილეთ
ვიდეო N1ვიდეო N2,
ვიდეო N3,
ვიდეო N4,
ვიდეო N5,
ვიდეო N6