„ვემშვიდობები პირველ მასწავლებელს“ - მეოთხეკლასელთა ემოციური ღონისძიება ასურეთის საჯარო სკოლაში
23-06-2023
თეთრიწყაროს მუნიციპალიტეტის სოფელ ასურეთის საჯარო სკოლის მეოთხეკლასელებმა მრავალფეროვანი ნომრებით გაჯერებული ღონისძიება მოაწყვეს.
მოსწავლეებმა, ღონისძიება ლექსებითა და სიმღერებით გაალამაზეს და დაამზადეს პოსტერი - „ვემშვიდობები პირველ მასწავლებელს“.
მოსწავლეებისთვის, განსაკუთებით ამაღელვებელი აღმოჩნდა პირველ პედაგოგთან მაია ხომასურიძესთან დამშვიდობება.
აღსანიშნავია, რომ მოსწავლეები სკოლაში თეთრი მაისურებით იყვნენ წარდგენილნი, რომლებიც დღის ბოლოს სამახსოვრო წარწერებით შეიმკო.
როგორც სკოლაში გვიყვებიან, მე-4 კლასის საპროგრამო მასალის წარმატებით დაძლევის გამო მოსწავლეებს, სიმბოლურად სერტიფიკატები გადაეცათ.
იხილეთ ფოტოები:
სკოლების სიახლეები
