თეთრიწყაროს მუნიციპალიტეტის სოფელ ღოუბნის საჯარო სკოლაში სასწავლო წელი წარმატებით დასრულდა. სასწავლო პროცესი გამოირჩეოდა მრავალფეროვანი ღონისძიებებით. მოსწავლე-მასწავლებლები აქტიურად აღნიშნავდნენ მნიშვნელოვან თარიღებსა და მოვლენებს. 

შესაბამისად მათი ყურადღების მიღმა არ დარჩენილა ბავშვთა დაცვის საერთაშორისო დღე.  

ამ დღესთან დაკავშირებით, ღოუბანის საჯარო სკოლის მასწავლებელმა - მარინე სულხანიშვილმა ჩაატარა სპორტული ღონისძიება - „მხიარული სტარტები“. სპორტულ-გასართობ შეჯიბრში ყველა მოსწავლე მონაწილეობდა. 

თამაში საინტერესოდ წარიმართა. ორი გუნდის შეჯიბრი დამთავრდა ფრედ. მოსწავლეები დაჯილდოვდნენ სიგელებით.

„მხიარული ღონისძიება, ბედნიერი ბავშვები და კმაყოფილი მასწავლებლები - აი შედეგი ამ დღის!“- ასე აფასებენ ღონისძიებას სკოლაში. 

იხილეთ ფოტოები: