თელავის მუნიციპალიტეტის სოფელ კისისხევის საჯარო სკოლის მოსწავლეები სასწავლო წლის მანძილზე არაერთ საინტერესო აქტივობაში ჩაერთნენ.
მათ შორის, მოსწავლეები ხის სათამაშოების სახელოსნოში იმყოფებოდნენ.
აღსანიშნავია, რომ მოსწავლეები თბილისში არსებულ ხის სათამაშოების სახელოსნოს - სოციალურ საწარმო „კოდალას“ 16 ივნისს ეწვივნენ.
სახელოსნოში, ბავშვებმა მათთვის საინტერესო თემებზე იმუშავეს და საკუთარი ხელით დაამზადეს სათამაშოები. გოგონებმა ბალერინები გააკეთეს, ხოლო ვაჟებმა - რობოტები.
აღსანიშნავია, რომ მუშაობის შემდეგ ბავშვებს სერტიფიკატები გადაეცათ.
ვიზიტი, სკოლის დირექტორის ლიანა ერგემლიძე ხელშეწყობითა და კლასის დამრიგებლის თინა დედაბრიშვილის ხელმძღვანელობით მოეწყო.
„ბავშვებმა, ამ სტუმრობით ხელი შეუწყეს შშმ პირების დასაქმებას“,- აღნიშნავენ სკოლაში.
იხილეთ ფოტოები:
