ქარელის მუნიციპალიტეტის სოფელ ცერონისის საჯარო სკოლისთვის სასწავლო წელი მეტად ნაყოფიერი აღმოჩნდა, მოსწავლეები სხვადასხვა საგანმანათლებლო აქტივობაში წარმატებით მონაწილეობდნენ.
მათ შორის აღსანიშნავია, პროექტი - „სხვადასხვა კულტურათა საერთო ღირებულებები“, რომელიც Etwining-ის ფარგლებში მოეწყო.
როგორც სკოლაში გვიყვებიან პროექტი განხორციელდა თურქ კოლეგებთან ერთად, ხელმძღვანელები კი მანანა ბაქრაძე და თურქი კოლეგა - Alihan Yusufoglu იყვნენ.
აღსანიშნავია, რომ სკოლიდან პროექტში მე-7 და მე-8 კლასების მოსწავლეები მონაწილეობდნენ.
ამ პროექტის ფარგლებში მოსწავლეებმა შეისწავლეს საკუთარი ქვეყნის სხვადასხვა კუთხის კულტურა და ტრადიციები, ასევე, მეზობელი ქვეყნის წეს-ჩვეულებებს გაეცნენ.
აღსანიშნავია, რომ პროექტის ფარგლებში მოსწავლეებმა, ვიდეორგოლები, პოსტერები, ნახატები შექმნეს და საკუთარი რეგიონის, რაიონის, ქალაქისა თუ სოფლის კულტურული მემკვიდრეობა, მითოსი, ადათ-წესები წარმოაჩინეს და ერთმანეთს გააცნეს საკუთარი სკოლები.
სკოლა აღნიშნული პროექტის შესახებ ვიდეოს გვიზირებს - იხილეთ ბმული:
