აბაშის მუნიციპალიტეტის დ. ტყებუჩავას სახელობის სოფელ წყემის საჯარო სკოლის მოსწავლე მარიამ ჭანტურიამ საბაზო საფეხური წარმატებით დაასრულა.
აღსანიშნავია, რომ სკოლა საბაზოა, ერთადერთი მოსწავლის გასაცილებლად კი, სკოლაში შთამბეჭდავი ღონისძიება მოეწყო.
ღონისძიებაში, სხვადსხვა კლასი მოსწავლეები იყვნენ ჩართულნი, მათ არაერთი შთამბეჭდავი ნომერი შეასრულეს, დღე მუსიკალური და ქორეოგრაფიული წარმოდგენებით გაალამაზეს და დამსწრეთა დიდი მოწონებაც დაიმსახურეს.
მარიამმა, საყვარელ პედაგოგებთან ერთად, ტკბილი, სახალისო და სამახსოვრო მოგონებები გაიხსენა და მათ ემოციებით დატვირთული დაემშვიდობა.
„2022-2023 სასწავლო წელიც დამთავრდა, კიდევ ერთხელ ახმაურდა ჩვენი სკოლა. ამჟამად, კიდევ ერთი ახალბედა გააცილა ცხოვრების ახალ გზაზე წყემის სკოლამ, დაულოცა მომავალი და უსურვა წარმატებები და წინსვლა ცხოვრების ახალ ეტაპზე“, - აღნიშნავენ სკოლაში.
იხილეთ ფოტო და ვიდეომასალა:
