იაგო მიქელაძის სახელობის შუახევის მუნიციპალიტეტის სოფელ ბუთურაულის საჯარო სკოლაში, სასწავლო წლის მანძილზე არაერთი საინტერესო და შემეცნებითი ხასიათის გაკვეთილი ჩატარდა, რაც მოსწავლეთა სწავლის ხარისხზე დადებითად აისახა.
მათ შორის აღსანიშნავია ქართული ენისა და ლიტერატურის და ხელოვნების მასწავლებლების ინტეგრირებული, შემაჯამებელი გაკვეთილი.
გაკვეთილი II კლასში, პედაგოგების: ნათელა ქამადაძისა და მალხაზ მიქელაძის ხელმძღვანელობით ჩატარდა და მასში მოსწავლეები დიდი ინტერესითა და მონდომებით ჩაერთნენ.
როგორც სკოლაში გვიყვებიან, პედაგოგებმა მოსწავლეებს სახალისო და საინტერესო აქტივობები შესთავაზეს.
მოსწავლეებმა, თავიანთი ნახატების გამოფენა მოაწყვეს და ისინი ქართულ ენაში შესწავლილი ლექსებითა თუ მოთხრობებით გააცოცხლეს.
მოსწავლეები საგაკვეთილო პროცესის მონდომებითა და ხალისით ჩაერთნენ, მათ შეძლეს შესწავლილი მასალის გახსენება და მიზნობრივად გამოყენება.
იხილეთ ფოტოები:
