ქუთაისის N40 საჯარო სკოლის მოსწავლეები გარემოს დაცვის მნიშვნელობასა და აუცილებლობას ნათლად აცნობირებენ. ამ მიმართულებით, მასწავლებლების ხელმძღვანელობით, სასწავლო წლის განმავლობაში არაერთი აქტივობა მოეწყო.
მათ შორის, VIა კლასის მოსწავლეები გარემოსდაცვით საგანმანათლებლო კამპანიაში - „ბაღის ფრინველთა საათი“ ჩაერთნენ. ერთი საათის განმავლობაში, მოსწავლეები ფრინველებს, მათ მოძრაობას, ხმებს აკვირდებოდნენ. მათ აღრიცხვის ფურცელზე, 25 ფრინველის სახეობიდან, 10 სახეობა დათვალეს.
შემდეგ მათ კონფერენცია თემაზე - „ფრინველები მარტო ბეღურები და მტრედები არ არიან“ მოაწყვეს.
მოსწავლეები აქტივობებში კლასის დამრიგებლის თ.მეზურნიშვილისა და ბიოლოგიის მასწავლებლის - ნ.ფაჩუაშვილის ხელმძღვანელობით ჩაერთნენ. მათ დრო ნაყოფიერად გაატარეს და ცოდნა გაიღრმავეს.
იხილეთ ფოტოები: