განძის N2 საჯარო სკოლის მოსწავლეები პირველ მასწავლებელს ღონისძიებით დაემშვიდობნენ
16-06-2023
ნინოწმინდის მუნიციპალიტეტის სოფელ განძის N2 საჯარო სკოლის მე-4 კლასის მოსწავლეებმა შთამბეჭდავი და მრავალფეროვანი აქტივობებით გაჯერებული ღონისძიება მოაწყვეს.
აკადემიური წელი დასრულდა მეოთხეკლასელები კი, პირველ დამრიგებელს - დარეჯან ნალბანდიანს დაემშვიდობნენ.
მოსწავლეები ღონისძიებისთვის სადღესასწაულოდ გამოეწყვნენ. აღსანიშნავია, რომ გარემოც საზეიმოდ - ბუშტებითა და სხვადასხვა დეკორაციით იყო მორთული. მეოთხეკლასელებმა დაუვიწყარი წარმოდგენა დადგეს, შესაძლებლობები წარმოაჩინეს, დრო სასიამოვნოდ გაატარეს და მასწავლებელს მადლობა გადაუხადეს.
მოსწავლეებმა იცეკვეს, იმღერეს, ლექსები წაიკითხეს, სხვადასხვა საინტერესო ნომერი წარადგინეს, სამახსოვრო ფოტოები გადაიღეს და დამსწრეთა დიდი მოწონება დაიმსახურეს.
იხილეთ ფოტოები:
სკოლების სიახლეები
