წალენჯიხის N1 საჯარო სკოლაში მოსწავლეთა მრავალმხრივ განვითარებასა და შემოქმედებითი უნარების წარმოჩენას მნიშვნელოვანი ყურადღება ექცევა. სწორედ ამიტომ, პედაგოგები მოსწავლეებს საინტერესო აქტივობებსა და პროექტებს სთავაზობენ.
აღსანიშნავია, რომ ამჯერად, სკოლის IIIბ კლასში მოსწავლეებმა და კლასის დამრიგებელმა ლელა ეფსიამ თოჯინების თეატრი ჩამოაყალიბეს.
როგორც სკოლაში გვიყვებიან, ზოგიერთი თოჯინა მათ, თავად შექმნეს. რესურსების თავმოყრის შემდეგ კი კლასში, სულხან-საბა ორბელიანის იგავ-არაკები წარადგინეს.
„ღონისძიება იყო სანახაობრივი და საინტერესო. ბავშვები ხალისით ახმოვანებდნენ საყვარელ ზღაპრის გმირებს. ჰყვებოდნენ მათ დაუვიწყარ ისტორიას“, - აღნიშნავენ სკოლაში.
მათ შემოქმედებითი უნარები შესანიშნავად წარმოაჩინეს.
მოსწავლეებმა დამსწრე საზოგადოების დიდი მოწონება დაიმსახურეს.
ღონისძიებას ესწრებოდნენ სკოლის დირექტორი - ბადრი ბობოხია, მშობლები, მასწავლებლები.
„მაყურებელი აღფრთოვანებული დარჩა პატარა მსახიობებით. ბავშვებს განუვითარდათ მეტყველება და ურთიერთთანამშრომლობის უნარები, მათ ცოდნა განიმტკიცეს“, - გვიყვებიან სკოლაში.
აღსანიშნავია, რომ მსგავსი აქტივობები და ღონისძიებები მოსწავლეთა მრავალმხრივ განვითარებას ხელს უწყობს და მათ საგაკვეთილო პროცესში ჩართულობას ზრდის.
იხილეთ ფოტოები:
.jpg){kind=link}
.jpg){kind=link}