ტყიბულის N6 საჯარო სკოლის მოსწავლეები წარმატებას როგორც სასკოლო პროექტსა თუ აქტივობაში, ასევე მის გარეთ, სხვადასხვა კონკურსში აღწევენ.

ამჯერად, სკოლის მოსწავლეებმა, რომელთა მწვრთნელი - ოლეგ ფანჩულიძეა, მორიგი წარმატება „კუნგ-ფუში“ მოიპოვეს. 

მათ, 10-11 ივნისს ამბროლაურში გამართულ „საქართველოს ჩემპიონატზე კუნგ ფუში“ ბრწყინვალედ იასპარეზეს და გაიმარჯვეს.

VI ^ბ კლასის მოსწავლე - ოთარ სანიკიანი - I ადგილისა და ოქროს მედლის მფლობელი გახდა. მისი დამრიგებელი მაკა სოფრომაძე გახლავთ.

VI ^ბ კლასელმა - ალექსი მაჭავარიანმა, რომლის დამრიგებელი მაკა სოფრომაძეა  - I  და II ადგილი, ოქროსა და ვერცხლის მედლები მოიპოვა.

VII ^ა კლასის მოსწავლე - ბადრი ბოჭორიშვილი კი I ადგილზე გავიდა და ოქროს მედალი დაიმსახურა. მისი დამრიგებელი ცირა კუბლაშვილია.

სასკოლო საზოგადოება მოსწავლეებს წარმატებას ულოცავს და წინსვლას უსურვებს.